Spurning um hvort menn fari að sjá til lands.

Verðtryggingin

Þegar skrifað er undir íslensk verðtryggt lán, þá eru menn að fá lán til 25-40 ára með föstum vöxtum en með breytilegu álagi sem er reiknað í takt við verðbólgu/vísitölu neysluverðs í hverjum mánuði fyrir sig.

Þessi vísitala á að sýna hvers virði íslenska krónan er á hverjum tíma fyrir sig og er ágætur mælikvarði á stöðu krónunnar gagnvart öðrum gjaldmiðlum.

Þessi vísitala  er hugsuð til að sá sem lánar pening til framkvæmda eða í þessu tilfelli til kaupa á húsnæði fyrir sína fjölskyldu, fái sannvirði krónunnar til baka. Lánveitandinn er með tryggingu þess eðlis að það er alveg sama hver staða krónunnar er gagnvart öðrum gjaldmiðlum að lánveitandinn fær sitt alltaf til baka.

Verðtrygging er notuð til að halda verðgildi húsnæðislána en fylgir ekki verðgildi húsnæðisins sjálfs né launum í landinu.

 

Staða lántakanda

Útreikningar vísitölunnar sem liggur til grundvallar verðtryggingar á hefðbundnum húsnæðislánum íslendinga er búin að valda því að eftirstöðvar lífeyrissjóðs láns, sem undirritaður tók fyrir fimm árum er búnar að hækka um 8.400.000.-krónur þrátt fyrir að á sama tíma hafi verið staðið í skilum 100% með afborganir. Afborgun af láninu er á sama tímabili komnar í 5.000.000 króna

 

Áður en lengra er haldið vil ég taka fram að eins og staðan er í dag, þá er geta okkar og vilji til að borga af láninu enn til staðar. og mun verða það í náinni framtíð hvað sem síðar verður.

 Samkvæmt fasteignamati fyrir árið 2011 sem komið er inná síðu þjóðskrár ( www.fasteignaskra.is/pages/1082 ) þá mun veðsetning íbúðar minnar fara yfir 100% fer reyndar í 111% eins og eftirstöðvar lánsins eru í dag.

Mergur málsins er þessi, að þegar búið er að borga rúmar 5 milljónir af 19,2 milljón króna láni tekið í okt 2005 þá eru eftirstöðvarnar í sept.2010 27,6 milljónir. 

Það er ekki uppörvandi að sjá svona tölur, sem geta hæglega sett fjárhag fjölskyldu minnar í uppnám ef ófyrirsjáanlegar aðstæður koma upp. 

 

 Staða Lánveitenda

En hver er þá staða lánveitandans þegar útistandandi lán eru komin yfir verðmæti veðanna sem standa á bakvið þau, eru þau þá ekki orðin verðlaus í bókhaldi viðkomandi lánveitenda? 

Vilji lántakans til að halda við hinni veðsetti eign er nánast horfinn þegar eignastaðan er orðin minni en engin, því mun verðmæti veðsins minnka enn frekar á stuttum tíma.

Þegar eina trygging er greiðsluvilji lántakandans, þá er grunnur lánarekstursins orðinn mjög ótraustur. Ef ekki verður tekið föstum tökum á þessum vítahring sem við erum komin í, þá er stutt í að banka- og lífeyrisjóða kerfið muni þurfa að taka á sig mun stærri og alvarlegri afskriftir en fyrir okkur liggja í dag.

 

Framtíðin

 Þegar framtíð minna barna er sett til grundvallar ákvörðunar um framtíðina, kostir og gallar þess að búa við þetta fjármálakerfi sem íslendingar hafa komið sér upp. Kerfi sem búið er að koma flestum í þá stöðu að skulda meira en þeir eiga. (sumir kalla þetta skuldafangelsi) þá er það ekki björt framtíð sem liggur fyrir þeim.    Hver verður staðan eftir 5 ár 20 ár?  Miða við söguna undanfarin 20 ár þar sem verðbólga er mæld í hundruð ef ekki þúsundir prósenta, þá get ég ekki mælt með því að búa hér á landi í framtíðinni.  Það er mjög einfald að senda inn lyklanna af íbúðinni "minni" til lífeyrisjóðsins míns og einfaldlega segja bless við Ísland.

Ræðst á næsta sólarhring

Athugasemdir

[Óskar Guðmundsson (IP-tala skráð) 2.12.2010 kl. 11:48]

Eina landið sem við munum sjá til er hið stóra út-land...

Einu gleymirðu í útreikningum þínum.

Íslenska krónan er ekki á markaði og því allt sem talnablindi rollubóndin og gamla Gána hans segja um "styrkingu" er í raun bara til í þeirra tóma höfði.

Hagstjórn er í raun eitthvað sem aldrei hefur þekkst á íslandi þar sem menn eru endalaust að reyna að berjast við sömu vindmyllurnar, sama úr hvaða f(l)okki sem það kemur úr inná Siðblindrahælið [áður Alþingi]

Það er engin verðmætasköpun (og ekki líklegt til að rétta uppí viðskiptakalla við útlönd) að senda fiskinn okkar úr landi ó-unninn.

Hingað á norður-hjara verður að senda allt þar sem framleiðsla hér er lítil.

Það er rétt sem þú kemur inná að ekki þurfi svo sem fangelsi því það er það sem ísland er í raun í dag. 320þ. manna fangelsi.

"Hagstjórn" er t.d. ekki hægt að kalla það að fá danska krónu á genginu 1,2/1 og takast að láta hana tapa verðgildi sínum að meðaltali um 30% í 90 ár....